რა არის ასტიგმატიზმი?

ასტიგმატიზმი არის თვალის ბადურაზე სინათლის სხივის ფოკუსირების დარღვევა, რაც იწვევს გამოსახულების დამახინჯებას. არაკორეგირებული ასტიგმატიზმი ხშირად მხედველობითი დისკომფორტისა და თავის ტკივილის მიზეზი ხდება. ასტიგმატიზმი შეიძლება თანდაყოლილიც იყოს და შეძენილიც. იგი შეიძლება თვალის ოპერაციის ან რქოვანა გარსის დაავადების შედეგად განვითარდეს.

ოფთალმოლოგებს ასტიგმატიზმის დადგენა სხვადასხვა ტესტების საშუალებით შეუძლიათ.

ასტიგმატიზმის ძირითადი სიმპტომებია:

• ობიექტი ახლოდანაც და შორიდანაც არამკვეთრია;

• პატარა შრიფტის წაკითხვის შეუძლებლობა;

• თვალების მოჭუტვის(დაძაბვა) გამუდმებული სურვილი;

ასტიგმატიზმის მკურნალობის (კორექციის) რამდენიმე მეთოდი არსებობს:

• კონტაქტური ლინზები, პაციენტს უნიშნავენ სპეციალურ, ცილინდრულ ლინზებს;

• სათვალე;

• კერატოტომია: წარმოებს ლაზერული ტექნოლოგიის საშუალებით LASIK (ფოტორეფრაქციული კერატოტომიით) ან რადიალური კერატოტომიით. ამ ოპერაციების დროს, რქოვანას ფორმის შესაცვლელად, იღებენ რქოვანას ქსოვილების მცირე ნაწილს.